Mediat prestigjoze botërore po raportojnë se grupi legjendar i zhanrit rock ‘The Rolling Stones’ do të publikojë albumin e tyre të parë origjinal pas 18 vjetësh.
Albumi pritet të publikohet në verën e vitit të ardshëm.
Mick Jagger, Keith Richards dhe Ronnie Wood së bashku me bateristin Steve Jordan e Darryl Jones kanë regjistruar këngët bazë të albumit, i cili do të jetë i pari pa themeluesin e grupit, bateristin legjendar Charlie Watts, i cili vdiq vitin e kaluar.
Mundesh me e lexu edhe…
Një burim i tha The Sun se vdekja e tij krijoi një pasiguri te grupi pasi ata kishin datat e stadiumeve të planifikuara.
Por tani ata kanë pasur kohë të reflektojnë se të gjithë mendojnë se është gjëja e duhur të vazhdojnë të bëjnë atë që kanë bërë gjithmonë si grup, të bëjnë muzikë të re dhe të hyjnë sërish në rrugë për ta performuar atë për fansat e tyre, tha burimi, duke shtuar se grupi po planifikon një turne në SHBA, Amerikë të Jugut dhe Evropë pas publikimit të albumit./ Katror.info
Përgatiti:
