Tuneli i Llogorasë, 5.9 km i gjatë, që vlerësohet si një ndër veprat më të rëndësishme inxhinierike në Shqipëri, do të përfundojë në qershor të vitit 2024.
Zëvendëskryeministrja e Shqipërisë Belinda Balluku, njëherësh ministre e Infrastrukturës dhe Energjisë, deklaroi sot gjatë një interviste në media se kanë përfunduar në muajin shkurt punimet për gërmimin e tunelit, ndërsa tani po vijon puna për armaturën e tij.
“Punimet për gërmimin e tunelit kanë përfunduar në muajin shkurt. Kemi kaluar çdo lloj pritshmërie, pasi kontrata parashikonte 18 muaj për procesin e gërmimit, ndërsa ne e kryem për 14 muaj. Aktualisht po punohet në pjesën e armatimit. Tuneli do të hapet në qershor të vitit 2024”, u shpreh Balluku.
Mundesh me e lexu edhe…
Ky tunel ka një ndikim të madh për zhvillim ekonomik të jugut të Shqipërisë dhe lidhjen infrastrukturore që do të bëhet me aeroportin e Vlorës.
- Advertisement -
Puna për ndërtimin e tunelit të Llogorasë me gjatësi 5.9 kilometra ka nisur më 14 nëntor të vitit 2021.
Tuneli i Llogorasë nis nga ura e Shën Elizës në zonën e Dukatit, deri në urën e Palasës. Me një shpejtësi 50-80 km/orë, rruga do të përshkohet për 7-10 minuta./Katror.info
- Advertisement -
Përgatiti:
