Komiteti ekzekutiv i UEFA-s ka vendosur sot të zgjerojë listat e ekipeve nga 23 në 26 lojtarë përpara nisjes së Kampionatit Evropian “Euro 2024”, që do të mbahet në verë.
Ky është një vendim që e vë UEFA-n në përputhje me rekomandimet e sugjeruara nga Komiteti i Garave.
Kësisoj, kombëtaret që do të marrin pjesë në “Euro 2024” në Gjermani do të lejohen të marrin me vete 23 deri në 26 lojtarë.
🏆 The maximum squad size for #EURO2024 teams has been increased from the original quota of 23 to 26 players.
🗓️ Teams must provide a squad list containing between 23 and 26 players by 7 June. pic.twitter.com/htXBffbNjX
— UEFA (@UEFA) May 3, 2024Ky vendim nënkupton gjithashtu se të gjithë lojtarët do të lejohen të paraqiten në fletën e skuadrës para ndeshjes. transmeton Gazeta Express.
Ky është një ndryshim nga Kampionati Evropian i fundit, kur ekipet kishin 26 lojtarë – por, tre prej tyre nuk mund të figuronin në listë të ndeshjes dhe duhej të shikonin ndeshjen nga tribunat.
Gjithsesi, mbetet për t’u parë nëse të gjithë trajnerët e Kombëtareve pjesëmarrëse në “Euro 2024” do të zgjedhin numrin maksimal të lojtarëve këtë herë.
Listat përfundimtare të ekipeve për “Euro 2024” duhet t’i dorëzohen organit drejtues të futbollit evropian deri më 7 qershor, shtatë ditë para fillimit të turneut. /Katror.info
Përgatiti:
