U mbajt ngjarja për sigurinë kibernetike: SHEcurity conference & hackathon 2025 për shënimin e Ditës ndërkombëtare të vajzave në ICT.
Dekani i Fakultetit të Inxhinierisë Elektrike dhe Kompjuterike, Isak Shabani, tha se gjatë viteve, integrimi i vajzave në fakultet ka shënuar përparim të madh, duke vënë në dukje se rreth 50 për qind e studentëve janë vajza, ndërsa 80 për qind e tyre janë bursiste, raporton Ekonomia Online.
“Kjo ditë është e rëndësishme, jo vetëm për vendin tonë, por për gjithë shoqërinë tonë. Ne jemi të angazhuar, përvec organizimit dhe punën që po bjëmë për studentët e fakultetit tonë. Kur kam qenë vetë student ka qenë një përqindje e vogël e vajzave. Nëse sot nxjerrim statistika kemi dy mijë studentë, kemi 50 për qind që studiojnë vajza. Duke pasur bursa për të gjitha vajzat javën e ardhshme do të nënshkruajmë një marrëveshje për 10 vajza të tjera. Mbi 80 për qind kemi vajza bursiste”, tha Shabani.
Mundesh me e lexu edhe…
Prorektorja Majlinda Gjelaj vlerësoi se shtimi i vajzave në përdorimin e teknologjisë është sukses i madh për Kosovën.
“Vendi ynë ka kaluar në një transicion të theksuar në shoqëri dhe kjo ka bërë që në fushën e teknologjisë të jenë më pak të përfaqësuara vajzat, duke thënë se teknologjia nuk është për vajza. Më vjen mirë që shoh tani vajza. Është e rëndësishme që Kosova është vend i vogël me ëndrra të mëdha “, tha ajo.
Ndërsa, Bujar Ibrahimi nga Reiffeisen Bank tha se ndihet mirë për pjesëmarrjen e vajzave në fushën teknike
“Sulmet kibernetike janë rritur 300 për qind në pesë vjetët e fundit. 99 për qind e shkeljeve të sigurisë ndodhin për shkak të gabimeve njerëzore. Besimi, reputacioni, të gjitha këto janë në rrezik. Nuk është më thjesht një çështje teknike apo një provokim që zgjidhet vetëm nga IT-ja “, shtoi ai. /EO /Katror.info
Përgatiti:
