Nëntogerja e Forcës së Sigurisë së Kosovës (FSK), Vesa Ibrahimi, është bërë pjesëtarja e tretë e FSK-së që përfundon me sukses një nga trajnimet më të vështira dhe prestigjioze ushtarake në botë – Shkollën Ranger të Ushtrisë së Shteteve të Bashkuara (U.S. Army Ranger School), shkruan Katror.info.
Ambasada e SHBA-së në Kosovë ka reaguar përmes një postimi në rrjetet sociale, duke e vlerësuar lart këtë arritje të jashtëzakonshme dhe duke ndarë fotografinë e togeres Ibrahimi. “Urime Nëntogeres Vesa Ibrahimi për përfundimin e një prej programeve më të ashpra të trajnimit ushtarak në botë – Shkollës Ranger të Ushtrisë Amerikane! Ky është një moment krenarie,” thuhet në postim.
Ambasada thekson se përmes drejtimit të operacioneve komplekse nën stres ekstrem dhe orientimit në terrene të vështira me mbështetje minimale, arritja e Ibrahimit reflekton forcë, qëndrueshmëri dhe lidership të jashtëzakonshëm – vlera që, sipas ambasadës, garantojnë sigurinë e të dy vendeve.
Mundesh me e lexu edhe…
Një sukses që pasqyron profesionalizmin dhe përkushtimin e FSK-së në standardet më të larta ndërkombëtare./Katror.info
