Jo çdoherë asht lehtë me ra n’recetë t’thjeshtë, t’lehtë sa t’shijshme aq edhe t’shnetshme. Mirëpo, nuk asht as e thanë se duhet me u ripërsëritë menyja jonë e me na u ba bajat ushqimi që e konsumojmë dhe përgatisim vet. Andaj edhe receta t’ndryshme interesante kur gjejmë, mezi presim me i nda me ty.
Vezët me fill avokadoje janë nji delikatesë e përshtatshme për çfarëdo rasti dhe që mundesh me i përgatitë lehtësisht n’shtëpi, pa u harxhu fort e pa i marrë kohë vehtes për përgatitje. N’total t’nevojiten veç 15 minuta – nëse i ndjekë 3 hapat tonë.
PËRBËRËSIT:
6 ve (t’ziera)
½ avokado
2 lugë gjelle lang limoni
20 gr magdanoz (i grirë)
½ lugë çaji kripë
¼ domate (e grirë imët)
Biber i kuq (Opsionale)
HAPI 1:
Fillimisht ndjeki 3 këshillat kryesore që duhesh me i ndjekë kur zien vezë, pastaj zieji ato. E pasi t’i kesh zi vezët për 10 minuta. Leji me u ftohë me ujë t’ftohtë, qëroji e preji n’mes. Largo t’kuqet e vezëve dhe vendosi ato n’nji enë t’thellë.
Mundesh me e lexu edhe…
HAPI 2:
Tek ena me t’kuqet e vezës shto avokadon, magdanozin, langun e limonit, kripën dhe fillo me piru me i shtypë përbërësit deri sa t’krijohet nji masë pireje.
HAPI 3:
Merre nji qese frizi, vendose brenda n’gotë dhe mbushjen/fillin me avokado dhe t’kuqet e vezëve fute brenda. Preje njanin qosh t’qeses që me e kriju nji formë shiringe për dekorim dhe fillo vendose fillin brenda gropave t’vezëve t’bardha. Sipër vezëve t’mbushuna shto pak biber t’kuq dhe copëza domatesh e servo.
REZULTATI:
Vezët me fill avokadoje janë ideale për me u hangër n’çfarëdo vakti; n’daç për mëngjes apo brunch (si pjesë e brunch pjatës me salmon t’tymosun), n’daç si mes-shujtë (kur untohesh po s’ke qejf me tepru t’u hangër) apo edhe kuti pauze me ve dhe sos avokadoje. Besa këto vezë t’përgatituna shkojnë shumë edhe n’meze t’ndryshme qofshin ato t’nxehta apo t’ftohta. Kështu, n’prag t’festave t’fundvitit – ty t’u shtu edhe nji ide se çka mundesh me përgatitë qoftë për krishtlindje ose për vit t’ri. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
