WhatsApp tashmë ju lejon të shikoni një video në YouTube në modalitetin Picture-in-Picture (PiP) dhe ky funksionalitet mund të jetë i disponueshëm për video-thirrjet në platformë.
Aplikacioni i mesazheve në pronësi të Meta-s po teston shtimin e këtij modaliteti (PiP) për aplikacionin e tij iOS.
WABetaInfo, i njohur për mbajtjen e një gjurmimi të veçorive të WhatsApp ka bërë të ditur se modaliteti PiP për video thirrjet është duke u testuar si pjesë e WhatsApp për versionin beta të iOS 22.24.0.79. Nuk ka detaje nëse po ndodh e njëjta për Android.
Me këtë, ju do të jeni në gjendje të bisedoni me njerëzit në video-thirrje WhatsApp dhe të njëjtën kohë të shikoni aplikacione të tjera, njësoj siç mund të bëni kur shikoni video në YouTube.
Kjo do ta bëjë më të lehtë kryerjen e shumë detyrave.
Aktualisht, ju mund të shikoni bisedat e tjera në WhatsApp derisa jeni në një video-telefonatë. Modaliteti PiP do të aktivizohet nëse dilni nga aplikacioni WhatsApp gjatë një video-telefonate.
Kjo veçori do të jetë e disponueshme për përdoruesit me iOS 15 e lart.
Përgatiti:
