Platforma e mediave sociale X – e njohur më parë si Twitter – së shpejti mund të avancojë planet për të shtuar shërbime financiare për përdoruesit e saj, duke shpresuar të bëhet ekuivalenti amerikan i super-aplikacionit kinez WeChat.
Koncepti i super-aplikacioneve nuk është i ri. Gjigandi i teknologjisë Tencent, kompania që qëndron pas WeChat, ka përpunuar modelin që nga viti 2011. Ashtu si Twitter, ajo filloi si një platformë rrjetesh sociale, por shpejt u bë aplikacioni i përdorshëm për çdo gjë në Kinë, nga blerja e deri te kërkesa për shkurorëzim me një klik.
Musk beson se, nëse ekzekutohet në mënyrë korrekte, X mund të kapë “gjysmën e sistemit financiar global”.
Për ta arritur këtë dhe për të mbajtur premtimin e tij për të ofruar një “botë të tërë financiare” në platformë, ekzekutivi mund të përfshijë kriptovalutat në planet e tij. Madje kishte një aluzion se Dogecoin (DOGE) do të ishte pjesë e tij.
Si “sheshi global i qytetit” ku shumica e bizneseve dhe inovacioneve të kriptove zhvillohen në kohë reale, X mund të luajë një rol vendimtar në të ardhmen e industrisë së kriptove. X është më i madh se thjesht një ri-markë dhe mund të ndikojë në të ardhmen e parave në botën perëndimore.
Riemërtimi i Twitter në X është pjesë e një plani më të madh për të inkorporuar shërbimet financiare në platformë, tha pronari dhe shefi i teknologjisë Elon Musk. Sipas Musk, përdoruesit e X mund të presin që të kenë qasje në një “botë të tërë financiare” në platformë në muajt e ardhshëm. Në aplikacionin e ardhshëm “gjithçka”, asetet digjitale nuk ka gjasa të harrohen, me Musk që sugjeron që Dogecoin mund të luajë një rol kyç në shërbimet X. Gjithashtu, në prill, ai njoftoi se platforma së shpejti do të ofrojë tregti kripto dhe aksionesh përmes një partneriteti me eToro.
Musk pretendon se, nëse ekzekutohet në mënyrë korrekte, X mund të përfshijë “gjysmën e sistemit financiar global” me plane për banka, pagesa dhe më shumë. /Katror.info