Rreth 1200 qytetarë kanë nënshkruar tashmë marrëveshjet për disbursimin e subvencioneve në kuadër të masave për efiçiencë të energjisë, ka njoftuar Fondi i Kosovës për Efiçiencë të Energjisë (FKEE), shkruan Katror.info.
Procesi i disbursimit të mjeteve financiare po vazhdon, ndërsa përfituesit që kanë marrë para-aprovimin mund të aplikojnë për disbursim deri më 31 maj 2025.
Dokumentet e nevojshme duhet të dorëzohen online në platformën zyrtare të FKEE-së në adresën https://disbursimi.fkee-rks.net ose përmes emailit [email protected]. Aplikimi kërkon dorëzimin e formularit për disbursim, faturave dhe dëshmive të pagesës për materialet dhe punimet, dëshmisë së pagesës së auditorit të energjisë, kopjes së para-aprovimit me shtojcat përkatëse, raportit të auditimit të energjisë, si dhe dokumenteve identifikuese dhe të bankës për përfituesin.
Mundesh me e lexu edhe…
Në rast të paqartësive, qytetarët mund të kontaktojnë në numrin falas 0800 222 70 për më shumë informacione.
Programi i subvencioneve synon të mbështesë qytetarët në përmirësimin e kushteve të banimit dhe uljen e konsumit të energjisë përmes investimeve në masa të efiçiencës energjetike./Katror.info
