236.2 milionë euro janë të hyrat e Administratës Tatimore të Kosovës për tre muajt e parë të vitit 2024.
Sipas këtij institucioni rritja është 25.8 milionë euro krahasuar me periudhën e njëjtë të vitit të kaluar, apo 12.2 përqind shprehur në përqindje, transmeton KlanKosova.tv.
“Profesionalizmi, implementimi i legjislacionit tatimor, llogaridhënia, rritja e shërbimeve digjitale, partneriteti me qytetar në raportimin e rasteve korruptive, janë disa nga faktorët të cilët kanë ndikuar në rritjen e trendit të të hyrave tatimore dhe uljen e statistikave të evazionit fiskal”, thuhet në njoftimin e ATK-së.
“Mbledhja e të hyrave për periudhën janar – mars 2024, kap shifrat prej 236.2 milionë euro, ndërsa nëse i krahasojmë me periudhën e njëjtë të vitit të kaluar, kemi rritje për 25.8 milionë euro apo 12.2%,” thuhet tutje në njoftim.
ATK falënderon të gjithë tatimpaguesit, të cilët i kryejnë saktë dhe me kohë obligimet tatimore.