Përkushtimi i Gjermanisë ndaj Kosovës është i palëkundur. Kështu u tha në shënimin e 25 vjetorit të bashkëpunimit zhvillimor ndërmjet Kosovës dhe Gjermanisë, me ç’rast është prezantuar edhe dizajni i “Buddy Bear”, si simbol i miqësisë mes dy shteteve.
Zëvendës Ambasadori i Ambasadës Gjermane në Prishtinë, Matthias Conrad tha se qëndrojnë përkrah Kosovës, jo vetëm si partner dhe aleat, por si mik i vërtetë, duke ndarë vizionin e ardhshëm për një Evropë të begatë dhe të sigurt.
Conrad tha se përkushtimi i Gjermanisë ndaj Kosovës është i palëkundur.
Ai potencoi se që nga viti 1999, Gjermania ka i investuar afër një miliardë euro për ndërtimin e infrastrukturës, nxitjen e rritjes ekonomike, rritjen e shërbimeve sociale, fuqizimin e komuniteteve, inovacionin, punësimin, integrimin në BE e të tjera.
Conrad shtoi se mbështesin dëshirën e Kosovës për t’u integruar në familjen euroatlantike.
“Përkushtimi i Gjermanisë ndaj Kosovës është i palëkundur. Dhe ndërsa reflektojmë për veten tonë, historinë tonë gjermane, historinë tonë të trazuar gjermane, historinë e vështirë, ne e kuptojmë dhe e mbështesim shumë dëshirën e Kosovës për t’u integruar në familjen euroatlantike. Ne qëndrojmë përkrah Kosovës, jo vetëm si partner dhe aleat, por si mik i vërtetë, ndajmë vizionin e ardhshëm për një Evropë të begatë dhe të sigurt. Gjatë çerek shekullit të kaluar, 25 vjet, Kosova ka bërë përparime të jashtëzakonshme në aspektin ekonomik, zhvillimit shoqëror, dhe si një komb sovran…
Gjermania ka investuar afër një miliardë euro që nga viti 1999. Këto para janë drejtuar për ndërtimin e infrastrukturës për të nxitur rritjen ekonomike, rritjen e shërbimeve sociale, fuqizimin e komuniteteve, inovacionin, të rinjtë, punësimin, integrimin në BE, menaxhimin e mbeturinave, për një Kosovë më të gjelbër dhe më të shëndetshme”, tha Conrad.
Ndryshe, në sheshin Zahir Pajaziti këtë të shtunë po festohet 25 vjetori i bashkëpunimit të frytshëm zhvillimor Kosovë-Gjermani!
Ambasada Gjermane ka ftuar qytetarët që ta vizitojnë sheshin dhe të eksplorojnë “projektet dhe aktivitetet e pabesueshme në të cilat institucionet gjermane dhe të Kosovës kanë punuar së bashku.”
“Është një mundësi fantastike për të mësuar, angazhuar dhe shijuar një ditë në Prishtinë! Sillni miqtë dhe familjen tuaj dhe le ta bëjmë atë një ditë për t’u mbajtur mend! Mezi presim t’ju shohim atje dhe të festojmë së bashku këtë moment historik,” thuhet në njoftim.
Përgatiti:
