Po mendoni për një arratisje në Evropë këtë verë? Qytetet si Parisi apo Athina mund të jenë në synimin tuaj, por parashikohen të jenë jashtëzakonisht të mbipopulluara dhe të shtrenjta këtë vit.
Ndaj për të kursyer më tepër po ju sugjerojmë këto 6 destinacione më pak të njohura, por që sipas Kayak mbeten trend për t’u vizituar.
Tirana, Shqipëri
Tirana është destinacioni numër një në trend me një rritje prej 37% të kërkimeve për këtë verë, në krahasim me verën e kaluar. Ky qytet është një perlë që po vizitohet çdo ditë e më shumë nga grupe turistësh dhe sërish ruan një balancë të mirë kur bëhet fjala për kostot.
Aty mund të vizitoni muze, vende historike ndërthurur mjeshtërisht me modernen, ku mund të veçojmë Kalanë e Tiranës. Por edhe dalja nga kryeqyteti, për të eksploruar qytete të tjera është lehtësisht orjentuese. Vetëm 30 minuta larg kryeqytetit do të keni mundësi të shijoni qytetin bregdetar të Durrësit. Pak më tutje , përgjatë vijës detare bregdetin e Gjirit të Lalzit, plazhin e Shëngjinit etj. Por, nuk mund të lemë pa përmendur plazhin e Kavajës, Divjakës, Fierit, Vlorës apo Sarandës. Të gjitha janë një mrekulli. Për të mos folur më pas për ushqimin që kudo të udhëtoni nëpër botë, gatimet tradicionale shqiptare do ju bëjnë pa frikë t’i riktheheni edhe një herë tjetër Shqipërisë.
Mundesh me e lexu edhe…
Frankfurt, Gjermani
Frankfurti nuk konsiderohet si qyteti më emocionues në Gjermani, por kur udhëtimi shoqërohet nga komoditeti, vendi i vizituar mbetet gjatë në memorje. Në Frankfurt shpesh mund të gjesh fluturime pa ndalesa dhe me kosto të përballueshme. Ju mund të hipni në një tren dhe të niseni të vizitoni qytetet piktoreske si Mynihu, Nuremberg ose Strasburgu.
Bukuresht, Rumani
Bukureshti është një tjetër destinacion në trend, i cili vitin e fundit numri i vizitorëve është rritur me 30%. Ai ka një atmosferë të gjallë dhe një përzierje të arkitekturës tradicionale rumune, elegante të Art Nouveau dhe asaj të rreptë, komuniste.
Zyrih, Zvicër
është ironike kur mendon se sa jetesë e shtrenjtë është në Zvicër, por biletat e avionit i gjen të lira. Ashtu si Frankfurti Zyrihu nuk është ndonjë vend i mrekullueshëm për të qëndruar vetëm aty, por mund të lëvizni në ndonjë qytet të bukur alpin si Lucerni ose Interlaken.
Budapest, Hungari
Nëse o kërkoni një vend të bukur, të lirë, me vende shumë afër njeri-tjetrit për të vizituar, atëherë mos kërkoni më larg se budapesti. Ky kryeqytet i bukur prej disa kohësh ka thyer rekorde për sa i përket numrit të lartë të vizitorëve. Një nga gjërat që veçohet në budapest përveç pamjeve historike, është edhe ushqimi i shijshëm. Disa nga gjërat më të mira për të bërë në Budapest përfshijnë vizitën në muzetë e Kështjellës së Budës, turneun në ndërtesën ikonë të Parlamentit hungarez, relaksimin në një nga banjat termale të qytetit etj.
Vjenë, Austri
Vjena është një tjetër qytet në trend, me një rritje prej 36% të kërkimeve për këtë verë. E vendosur në lumin Danub, Vjena është një qytet i bukur me një histori të shquar dhe një trashëgimi të artit dhe kulturës. Është destinacioni i përsosur për të eksploruar këtë verë. Disa nga gjërat më të mira për të bërë në Vjenë përfshijnë vizitën e Pallatit Schönbrunn, kulturën e kafeneve të qytetit në Café Central ose Café Sacher, dhe admirimin e artit në Pallatin Belvedere./living.al
Përgatiti:
