Plot 800 gazetarë të akredituar janë angazhuar për të mbuluar Samitin e Komunitetit Politik Europian, i cili po zhvillohet sot në kryeqytetin shqiptar, Tiranë. Krahas përfaqësuesve të mediave vendase, të pranishëm janë edhe gazetarë nga vendet pjesëmarrëse në samit, për të pasqyruar nga afër këtë ngjarje të rëndësishme ndërkombëtare.
Samiti i gjashtë i Komunitetit Politik Europian ka mbledhur në Tiranë 47 liderë shtetesh dhe qeverish nga e gjithë Europa, përfshirë vendet anëtare të Bashkimit Europian, Ballkanin Perëndimor dhe shtete të tjera të kontinentit.
Kjo është hera e parë që një samit i tillë organizohet në Ballkanin Perëndimor, duke e shndërruar Shqipërinë në epiqendër të vëmendjes europiane dhe duke shënuar një moment historik për vendin dhe rajonin.
Mundesh me e lexu edhe...
Gjatë këtij samiti, liderët do të diskutojnë mbi sfidat e përbashkëta të sigurisë, forcimin e konkurrencës ekonomike dhe nxitjen e rolit të të rinjve në shoqëri.
/Top Channel
