Sandy Hazelip dhe Ellie Hamby janë dy 81 vjeçaret që udhëtuan botën për 80 ditë.
“Udhëtoni sa jeni të rinj, se më pas s’do të keni më kohë.” Të gjithë e kemi dëgjuar qoftë një herë të vetme këtë fjali. Zakonisht e dëgjojmë nga gjyshërit tanë të cilët me nostalgji na tregojnë për eksperiencat dhe aventurat jetësore që kanë kaluar gjatë rinisë. Në teori, kjo ka një sens logjik pasi sa më të rinj të jemi, aq më shumë duam të provojmë e të mësojmë, shkruan living.al.
Na lejoni t’ju themi se ky nuk është aspak rasti për dy 81 vjeçaret Sandy Hazelip dhe Ellie Hamby. Ato janë shoqe prej 20 vitesh dhe tani po e kuptojmë përse. Mesa duket ato kanë të njëjtat pasione dhe interesa dhe me shpirtrat e tyre guximtarë po na vërtetojnë se mosha nuk ka rëndësi nëse do të eksplorosh botën.
Aventurat e tyre këto dy zonja i bëjnë të ditura në blogun e tyre https://aroundtheworldat80.com/
Cili ishte plani i tyre?
Sandy dhe Ellie donin të festonin 80 vjetorin e tyre në një mënyrë të veçantë. Ato vendosin të udhëtonin botën për 80 ditë dhe deri tani kanë vizituar 18 vende të ndryshme në 7 kontinente. Përgjatë këtij udhëtimi, kanë parë vende spektakolare si Taj Mahal, Everestin dhe Ishullin e Pashkëve.
Dy të moshuarat, të cilat janë përdoruese të rrjeteve sociale, kanë hapur edhe një llogari “Instagram-i”, ku ndajnë pjesë të ndryshme të udhëtimit të tyre me 9400 ndjekës. Ato zakonisht publikojnë video ku tregojnë eksperiencat, ndodhi interesante si dhe çfarë i shtyu ta ndëmerrnin këtë hap të guximshëm. Sipas dyshes, udhëtimi i tyre botëror supozohej të bëhej disa vite më pare, por ardhja e pandemisë ndikoi në shtyrjen e tij derisa kuptuan se mosha po kalonte. Tani që e kthyen ëndrrën në realitet, qëllimi i tyre është të vizitojnë të gjitha mrekullitë e botës si piramidat e Gizës dhe Murin e Madh Kinez ndër të tjera.
Sandy dhe Ellie gjithashtu kanë rrëfyer për mënyrën sesi janë njohur në Zambia gjatë një misioni mjekësor gjatë punës. Udhëtimin asnjëra prej tyre nuk e ka për herë të parë pasi kanë vizituar 107 vende të botës përpara se të nisnin këtë iniciativë. Këshilla e tyre për të rinjtë që duan rë udhëtojnë është ulja e shpenzimeve për fjetjen në mënyrë që të bëni më shumë aventura.
“Ne kemi qëndruar në disa hotele unike. Të preferuarat tona ishin rreth 13 dollarë nata,” shkruajtën ata në një nga postimet fundit./Katror.info
Përgatiti:
