Shtatë vjet më parë në Klan Kosova ai fliste si një djalë me plot ëndrra. E Kimi ia doli t’i bëjë realitet ëndrrat e tij. Këtë e bëri pikërisht në formatin gjigant të American Idol.
Artisti i ri Freskim Rama mori vëmendjen e të gjithë shqiptarëve pak javë më parë kur u paraqit në skenën prestigjioze të “American Idol”.
Eksperienca e tij në këtë show të madh të talenteve ka qenë një udhëtim emocionues dhe frymëzues, dhe tani, ai ka zbuluar detaje interesante nga intervista e tij për programin “Prive”.
Mundesh me e lexu edhe…
Duke rrëfyer për atmosferën dinamike dhe sfidat që ai përjetoi gjatë spektaklit, Freskimi (Kimi) tregoi për momentet që i la mbresa më të forta, duke përfshirë një bisedë të veçantë me një prej anëtarëve të jurisë, artisten e njohur botërore Katy Perry.
“Kemi folur dhe kemi ngrënë bashkë bukë në prapaskenë”, tha ai, duke reflektuar mbi kohën e kaluar me yllin.
Gjatë kësaj ndërveprimi të veçantë, ata diskutuan për një gamë të gjerë temash, përfshirë edhe disa nga emrat më të njohur në industrinë muzikore që kanë origjinë shqiptare. “Kemi folur për Rita Orën, Dua Lipën, Bebe Rexhën”, zbuloi Freskimi, duke ndarë me Katy Perryn një pjesë të bukur të kulturës dhe muzikës shqiptare që po e bën emrin në botë.
Por ndoshta më interesantja ishte biseda e tyre rreth politikës dhe roli i grave në atë fushë në Kosovë. Freskimi tregoi se ka ndriçuar artisten me informacione rreth një fakti që e kishte lënë pa fjalë: “Por kemi folur edhe për Presidenten e Kosovës, pasi nuk e dinte se e kishim grua presidenten e vendit”.
Kjo temë e bisedës tregon për ndikimin që kanë yjet shqiptare si Freskimi, që jo vetëm që po shkëlqejnë në arenën artistike, por gjithashtu informojnë dhe edukojnë figura të rëndësishme ndërkombëtare për zhvillimet pozitive në vendet e tyre./Katror.info
Përgatiti:
