Gjatë pushimeve të mia në Emiratet e Bashkuara Arabe javën e kaluar, kisha vetëm një mision në mendje të vija në dorë “çokollatën e Dubait” që është bërë virale, shkruan Annabel Rackham, reportere e kulturës për BBC.
Nëse përdorni TikTok, me siguri e keni parë këtë çokollatë që kombinon shijet e çokollatës, fistikut dhe tahinit me petë të hollë, dhe është e frymëzuar nga ëmbëlsira arabe, Knafeh, transmeton Katror.info.
Versioni origjinal, i quajtur Can’t Get Knafeh of It nga FIX Chocolatier, është shitur ekskluzivisht në Emiratet e Bashkuara Arabe që nga viti 2022. Është bërë aq popullor në rrjetet sociale, saqë shitet vetëm për dy orë në ditë dhe shpeshherë mbaron brenda pak minutash.
Mundesh me e lexu edhe…
Çokollata FIX u krijua fillimisht në vitin 2021 nga Hamouda, gjatë shtatzënisë, kur kishte dëshirë për shijet e ëmbëlsirës Knafeh. Ajo dhe Alani nisën zhvillimin e produktit një vit më vonë, përkrah punës së tyre në korporata.
“Të dy jemi rritur në Britani dhe kemi jetuar në Dubai për 10 vjet kemi rrënjë si perëndimore, ashtu edhe arabe,” thotë Alani.
“Dëshironim të krijonim shije që pasqyrojnë këtë përzierje”, tregon ai.
Çokollata është ekskluzive, shitet vetëm përmes aplikacioneve të shpërndarjes së ushqimit, në orare të caktuara, dhe kushton rreth 15 £.
Në rajon janë shfaqur edhe shumë imitime të quajtura “çokollata e Dubait”, të zbukuruara me imazhe të fistikut dhe petëve të hollë.
“Këto kopje janë shumë zhgënjyese,” thotë Alani.
“Po dëmtojnë markën tonë”, shton ai.
Një nga arsyet kryesore për popullaritetin e shpejtë të çokollatës ishte rrjeti social TikTok, veçanërisht një video virale e përdorueses Maria Vehera nga viti 2023, e cila ka marrë gati shtatë milionë pëlqime. Në video, Vehera e provon për herë të parë çokollatën “Can’t Get Knafeh of It” dhe të tjerat nga e njëjta markë.
Pamja e çokollatës është perfekte për rrjetet sociale – me pika portokalli dhe jeshile mbi çokollatë qumështi dhe zhurmën karakteristike kur thyhet. Ndërsa përzierja çokollatë-fistiq është e zakonshme, ajo që e dallon është mbushja krokante me petë të holla që i japin trashësi dhe teksturë unike.
Për shkak se çokollata origjinale shitet vetëm në Emiratet e Bashkuara Arabe përmes aplikacioneve të dorëzimit dhe vetëm për pak orë në ditë, markat e tjera kanë nisur të krijojnë versione të veta – përfshirë Lindt, që po e shet një variant në Britani për 10 £. Supermarkete si Waitrose, Lidl dhe Home Bargains tashmë kanë vendosur kufizime në sasinë që mund të blihet për shkak të kërkesës së lartë.
Sidoqoftë, ndryshimet janë të dukshme. Çokollata FIX është më e trashë, ka afat të shkurtër dhe ruhet në frigorifer – ndryshe nga versionet që kanë jetëgjatësi dhe strukturë më të zakonshme. Alani thotë se kopjet dëmtojnë markën dhe se e gjithë çokollata FIX përgatitet me dorë, nga përzgjedhja e përbërësve deri te dekorimi.
Kur e nisën në fillim, ata përpunonin vetëm 6-7 porosi në ditë me një punëtor. Tani, falë viralitetit në TikTok, kanë 50 punonjës dhe përmbushin 500 porosi çdo ditë.
“Ka qenë një rrugëtim i vështirë,” thotë Alani.
“Por ia ka vlejtur. Kemi dashur të dorëzohemi disa herë, por vazhduam vetëm të arrinim të paguanim qiranë. Tani nuk pendohemi për asgjë”, përfundon ai. /Katror.info
Përgatiti:
