Në Virgjinia të SHBA-së, një ish-kompleks burgu është transformuar në apartamente të reja dhe plot dritë, të cilat u shitën brenda një muaji nga hapja. Lorton Reformatory, i hapur në fillim të shekullit XX gjatë presidencës së Theodore Roosevelt, ishte ndërtuar me idenë që të burgosurit të mos ndiheshin sikur ishin në izolim, megjithëse gjatë dekadave kishte një histori të ndërlikuar funksionimi.
Në vitin 2002, një vit pas mbylljes, Fairfax County bleu këtë pronë prej 2,343 hektarësh për 4 milionë dollarë. Projekti për rikonstruksionin dhe përshtatjen e hapësirës u mor përsipër nga kompania e zhvillimit The Alexander Company në vitin 2008, me qëllim që ish-burgu të shndërrohej në banesa, shkruan Good News Network, përcjell Katror.info.
Pas një investimi prej 64 milionë dollarësh dhe punimeve madhështore që rivalizojnë programet televizive të rinovimeve, kompleksi Liberty Crest Apartments u hap në vitin 2017.
Mundesh me e lexu edhe…
“Jemi krenarë për atë që kemi arritur këtu dhe shumë të kënaqur me rezultatin,” deklaroi David Vos, menaxher i projektit nga The Alexander Company në Wisconsin, një kompani e specializuar në rikthimin e objekteve të vjetra si shkolla apo fabrika në funksione të reja.
Kompleksi përfshin gjithsej 165 njësi banimi, nga të cilat 44 janë të rezervuara për qytetarë që fitojnë më pak se 50% të të ardhurave mesatare të familjeve në atë zonë. Nga këto, 84 janë apartamente me një dhomë gjumi dhe 81 me dy dhoma gjumi, ndërsa qiratë variojnë nga 1,370 deri në 2,700 dollarë në muaj.
Ndryshe nga strukturat tradicionale të burgjeve me hapësira të vogla dhe ambiente të errëta, Lorton Reformatory ishte ndërtuar me tulla të argjilës së Virxhinias dhe me shumë hapësira ndriçimi natyral — një ide që në fillim synonte reformimin e konceptit të izolimit të të burgosurve. Tani, ajo hapësirë është rikthyer në një zonë të gjallë banimi me emrin simbolik Liberty.
Përgatiti:
