Delegacioni i Bankës Qendrore të Republikës së Kosovës (BQK), i kryesuar nga Guvernatori Ahmet Ismaili, ka përfunduar me sukses pjesëmarrjen në Takimet Pranverore të Fondit Monetar Ndërkombëtar dhe Bankës Botërore të mbajtura në Washington DC.
Gjatë qëndrimit, Guvernatori Ismaili zhvilloi takime me figura të rëndësishme të financës globale, përfshirë Zëvendëspresidentin e FMN-së Bo Li, Presidentin e Bankës Botërore Ajay Banga dhe Presidenten e Bankës Qendrore Evropiane Christine Lagarde.
Ai përfaqësoi Kosovën në Takimin Plenar të Komitetit Ndërkombëtar Monetar dhe Financiar (IMFC) dhe mori pjesë në diskutimet për zhvillimin e sistemeve të përbashkëta të pagesave në Ballkanin Perëndimor. Në këto takime u nënvizua nevoja për digjitalizim dhe modernizim të infrastrukturës financiare në rajon.
Mundesh me e lexu edhe…
Guvernatori raportoi për progresin e BQK-së dhe reformat për stabilitet financiar, duke theksuar rolin e Kosovës si kontribuues në Shoqatën Ndërkombëtare për Zhvillim (IDA).
Pjesëmarrja në këto takime rikonfirmoi angazhimin e Kosovës për thellimin e bashkëpunimit me institucionet financiare ndërkombëtare dhe përfshirjen aktive në agjendat zhvillimore dhe financiare globale.
Lajmi i plotë mbi aktivitetet e delegacionit
