Është hapur një mundësi e veçantë për të gjitha vajzat nga Shqipëria, Kosova dhe Maqedonia e Veriut që merren me muzikë elektronike, si producente apo DJ, shkruan Katror.info.
Në një postim të shpërndarë në rrjetin social Facebook, këngëtari i njohur kosovar Alban Nimani njoftoi për këtë mundësi të veçantë, duke ftuar vajzat producente dhe DJ nga Shqipëria, Kosova dhe Maqedonia e Veriut të aplikojnë për rezidencën muzikore ndërkombëtare që do të mbahet në Tulla, të cilën e ka drejtuar kohë më parë.
“Ky është një rast fenomenal për të krijuar lidhje të reja me producentë ndërkombëtarë dhe për zhvilluar aftësitë kreative si dhe menaxheriale për zhvillimin e karrierës”, shkroi ai.
Mundesh me e lexu edhe…
Rezidenca, e cila organizohet në bashkëpunim me festivalin Africolor nga Parisi dhe LaFabrique nga Tunizia, synon të krijojë ura të reja bashkëpunimi mes vajzave që merren me muzikë elektronike në Ballkan dhe skenës ndërkombëtare.
Në postimin e tij, Nimani thekson edhe faktin se pjesëmarrja në këtë rezidencë është plotësisht falas, ndërsa aplikimi është i hapur për të gjitha vajzat që ndihen të gatshme të çojnë më tej rrugëtimin e tyre artistik.
Projekti mbështetet financiarisht nga Creative Europe, një program i Bashkimit Evropian që ka për qëllim promovimin e bashkëpunimit kulturor ndërkombëtar.
Për të interesuarat, linku për aplikim është vendosur në bio të postimit, dhe përvoja që premton kjo rezidencë është më shumë sesa thjesht një workshop: është një derë e hapur drejt një skene më të madhe, më të larmishme, dhe më të përfshirëse për vajzat e muzikës. /Katror.info
Përgatiti:
