“Point Blank” – një koleksion prej 97 pikturash të “rezonancës emocionale” nga kantautori Bob Dylan, do të hapet në galerinë “Halcyon” këtë muaj. Dylan, 83-vjeçar, do të zbulojë 97 vepra të fundit me personazhe, objekte dhe skena të ndryshme
Pas suksesit të filmit biografik “A Complete Unknown” të këtij viti, një brez krejtësisht i ri ka mësuar për tekstet, stilin vokal dhe natyrën shpesh frustruese të Bob Dylan, shkrua koha.
Këtë muaj do të kenë mundësinë të zbulojnë se ai është gjithashtu piktor, pasi kantautori ekspozon një seri veprash origjinale të artit në Londër – të krijuara me “rezonancë emocionale”.
Mundesh me e lexu edhe...
Dylan, 83-vjeçar, do të zbulojë 97 vepra të fundit me personazhe, objekte dhe skena të ndryshme në galerinë “Halcyon”.
Bëhet e dukshme se ai jo vetëm që është ende duke bërë turne në të 80-at e tij, por edhe duke pikturuar. Ekspozita “Point Blank” bazohet në skicat origjinale të krijuara nga Dylan gjatë viteve 2021 dhe 2022. Ato përshkruajnë njerëz që luajnë instrumente, çifte, sportistë, së bashku me dhoma dhe vende ku Dylan kalonte kohë.
Vizatimet u pikturuan me ngjyra të hapura për të krijuar “entitete të gjalla, që marrin frymë dhe që kanë rezonancë emocionale ku ngjyrat përdoren si armë dhe shtojnë humorin si mjet rrëfyes”, ka thënë Dylan.
“Ideja nuk ishte vetëm të vëzhgoja gjendjen njerëzore, por të zhytesha në të me urgjencë të madhe”, ka shtuar ai.
Studimet përfshijnë një pasqyrë që reflekton një grup buzësh, një saksofonist dhe një kauboj me një pistoletë të vendosur në brez përpara lindjes së diellit.
Disa nga vizatimet janë të ngatërruara si studime monokromatike blu, të kuqe dhe neutrale, që të kujtojnë periudhën e hershme blu të Pablo Picassos.
Seria e veprave “Point Blank” filloi si një libër dhe përfshin prozë shoqëruese.
Kate Brown, drejtoreshë kreative në “Halcyon” ka thënë se “Këto vepra në letër përjetohen si kujtime, dritare të paprekshme në jetën dhe imagjinatën e një prej tregimtarëve më të mëdhenj që ka jetuar ndonjëherë”.
“Njerëzit që marrin pjesë në ekspozitë do të zbulojnë se veprat provokojnë histori nga imagjinata jonë. Ne marrim parasysh rrethanat e protagonistëve dhe meditojmë lëvizjen tonë nëpër hapësirat që përshkruan artisti”, ka thënë ajo.
Paraprakisht, galeria “Halcyon” pati ekspozuar serinë e veprave “Drawn Blank” të Dylanit, e cila përmbante vizatime grafiti të punuara gjatë udhëtimeve në Evropë, Azi dhe SHBA nga viti 1989 deri më 1992, që më pas u ripunuan me ngjyra.
Dylan e përshkruan procesin e punës së tij si një mënyrë për të “relaksuar dhe rifokusuar një mendje të shqetësuar” gjatë turneve të ngarkuara.
Presidenti dhe themeluesi i “Halcyon”, Paul Green, ka thënë se “kanë kaluar gati 18 vjet që kur ‘Halcyon’ filloi të punojë për herë të parë me Bob Dylan dhe ka qenë një përvojë e jashtëzakonshme të shikosh nga afër ikonën kulturore të zhvillohet në një artist vizual kaq të nderuar dhe të rëndësishëm”.
“Ky grup i fundit i pikturave ndihet si një lidhje më intime me artistin sesa në çdo punë të tij të mëparshme dhe është privilegj i madh t’i ndaj ato me publikun për herë të parë”, ka thënë Green./Katror.info
Përgatiti:
