Nga sot ( 6 maj) deri më 20 maj 2025, në Prishtinë do të zhvillohet edicioni i radhës i “Pranverës Kreative”, një program kulturor i organizuar nga Instituti Francez në Kosovë dhe Ambasada e Francës, në bashkëpunim me partnerë nga Kosova dhe Gjermania, shkruan Katror.info.
Aktivitetet nisin më 6 maj në Shkollën e Muzikës “Amadeus”, ku do të nënshkruhet një projekt bashkëpunimi franko-gjermano-kosovar për trajnimin e studentëve kosovarë në muzikë klasike. Po atë ditë, në Institutin Francez do të mbahet një takim artistik me studentë nga Beaux-Arts de Paris dhe artistë të rinj kosovarë, me praninë e Petrit Halilajt dhe Alvaro Urbanos (vetëm me ftesa).
Më 12 maj, në Hanin e Dy Roberteve, do të hapet ekspozita e artistes Marigona Ademi, ish-studente në Francë, në kuadër të Ditëve të Alumni-t.
Mundesh me e lexu edhe…
Ndërsa më 19 maj në Teatrin “Faruk Begolli” do të hapet Festivali Ndërkombëtar i Teatrit me shfaqjen frankofone “Në Zemrën e Trëndafilit”.
Ngjarja përmbyllet më 20 maj në Amfiteatrin e Bibliotekës Universitare me recitalin e pianistit francez Nathanaël Gouin, pjesë e ChopinPianoFest.
‘Pranvera Kreative’ është një iniciativë e përbashkët e Institut Français du Kosovo dhe Ambasadës së Francës në Kosovë, e cila synon të promovojë shkëmbimin kulturor dhe kreativ mes dy vendeve. Ky projekt ofron mundësi për artistët dhe profesionistët kosovarë të angazhohen në aktivitete që theksojnë rëndësinë e bashkëpunimit ndërkombëtar në fushën e artit dhe kulturës. /Katror.info
Përgatiti:
