Të rinjtë e Kosovës patën sot një mundësi të veçantë për të shprehur vizionin e tyre mbi të ardhmen evropiane të vendit, gjatë ngjarjes “BE & Unë: Vizioni i Kosovës”, të organizuar nga United Youth Task Force dhe rrjeti WeBalkans.
Ngjarja e mbajtur në Prishtinë bashkoi përfaqësues të lartë diplomatikë, vendimmarrës dhe të rinj të moshës 17–25 vjeç në një platformë të hapur dialogu mbi rrugëtimin e Kosovës drejt Bashkimit Evropian.
Hapjen e aktivitetit e bëri Ambasadori i BE-së në Kosovë, Aivo Orav, i cili theksoi rëndësinë e përfshirjes aktive të të rinjve në proceset demokratike dhe integruese. Në fjalën e tij, ai nënvizoi se BE-ja nuk është thjesht një qëllim, por një projekt i përbashkët që ndërtohet bashkë me qytetarët e veçanërisht me brezin e ri.
Mundesh me e lexu edhe…
Me kontribute frymëzuese nga ambasadorë, vendimmarrës dhe pjesëmarrës të rinj të moshës 17–25 vjeç, ngjarja krijoi një hapësirë për dialog ndërgjeneratash, ide të reja dhe shkëmbim kuptimplotë mbi sfidat dhe mundësitë e integrimit evropian
Gjatë panelit diskutues, pjesëmarrësit trajtuan sfidat aktuale në procesin e integrimit evropian, përfshirë sundimin e ligjit, reformën në administratën publike dhe zhvillimin ekonomik. Në qendër të diskutimit qëndroi roli i të rinjve si agjentë ndryshimi dhe kontribues aktivë në ndërtimin e një të ardhmeje evropiane për Kosovën.
Zëra të rinj si Aja Gashi dhe Sara Ceshko ndanë përvojat e tyre në angazhimin qytetar dhe nismat rinore që synojnë të forcojnë lidhjen mes brezave dhe të nxisin pjesëmarrje më të madhe në politikëbërje.
Kosova synon të përparojë në rrugën drejt anëtarësimit në Bashkimin Evropian, ndërkohë që përfshirja aktive e të rinjve konsiderohet thelbësore për suksesin e këtij procesi. /Katror.info
Përgatiti:
