Ekipi i futsallit i Policisë së Kosovës është shpallur kampion në turneun ndërkombëtar “Copa Del Mare”, i zhvilluar në Marathon të Greqisë, shkruan Katror.info.
Në këtë garë morën pjesë 51 ekipe nga 21 shtete, përfaqësuese të agjencive të sigurisë.
Gjatë tri ditëve të turneut, Policia e Kosovës zhvilloi tetë ndeshje dhe i fitoi të gjitha. Në fazën e grupeve, ekipi i Kosovës mposhti APL 13 nga Franca me rezultat 3:0, Bolognan nga Italia me 1:0, Bogotën nga Kolumbia me 3:1, ACIT nga Zvicra me 4:2 dhe IPA IAȘI nga Rumania me 3:1.
Mundesh me e lexu edhe…
Në çerekfinale, përballja me Moldavinë përfundoi pa gola dhe Policia e Kosovës kaloi tutje pas penalltive me rezultat 7:6. Një tjetër barazim pa gola u regjistrua në gjysmëfinale ndaj APL 13 (Francë), ku përsëri fitorja u sigurua përmes penalltive, këtë herë me rezultat 10:9. Në finalen e madhe, Policia e Kosovës fitoi bindshëm kundër Rumanisë me rezultat 3:0./Katror.info
Përgatiti:
