Kosova është renditur ndër pesë shtetet e para në botë që aplikojnë trajtimin inovativ me fotobiomodulim me laser për gjëndrën tiroide, falë përkushtimit dhe punës së endokrinologes Venera Berisha Muharremit.
“Falë inovacionit dhe punës së palodhshme në fushën e Fotobiomodulimit me laser, kam vendosur Kosovën në mesin e pesë shteteve që aplikojnë këtë trajtim unik për gjëndrën tiroide. Kjo më ka dhënë mundësinë të jem e ftuar si ligjëruese në Kongreset prestigjioze në Evropë por edhe përtej saj, në kontinentet tjera botërore,” ka shkruar ajo në Facebook.
Fotobiomodulimi është një trajtim që përdor dritë me gjatësi të caktuar valore (si ajo e lazerit) për të stimuluar qelizat dhe për të përmirësuar funksionin e tyre, në këtë rast duke ndihmuar rikthimin e shëndetit të gjëndrës tiroide pa përdorur ilaçe apo ndërhyrje kirurgjikale.
Këtë metodë e aplikon në Kosovë doktoresha Venera Berisha Muharremi, e cila pas ftesës për të marrë pjesë në kongrese në Japoni, SHBA dhe Emiratet e Bashkuara Arabe, Berisha Muharremi ka marrë ftesa të reja edhe nga Shanghai dhe Boston.
Mundesh me e lexu edhe…
“Për shkak të angazhimeve, fatkeqësisht që për këtë vit nuk do të mundem të jem prezente në të gjitha.
Por në ato ku do të shkoj, krenare të përfaqësoj vendin tim 🇽🇰 me dinjitet dhe profesionalizëm!,” ka shkruar ajo./Katror.info
Përgatiti:
