Karateisti kosovar, Betim Maliqi, ka fituar medaljen e bronztë në Kampionatin Evropian të Karatesë që po mbahet në Yerevan të Armenisë, në kategorinë deri në 75 kilogramë.
Në një ndeshje të fortë dhe shumë emocionuese, Maliqi arriti të mposht kundërshtarin italian De Vivo në sekondat e fundit të luftës, duke siguruar vendin e tretë në këtë garë prestigjioze, njofton Komiteti Olimpik i Kosovës.
Ky rezultat paraqet një sukses të rëndësishëm për sportin kosovar dhe për Federatën e Karatesë së Kosovës./Katror.info
