Ekipi i futsallit të Policisë së Kosovës ka shkëlqyer në turneun ndërkombëtar “Copa Del Mare”, të mbajtur në Marathon të Greqisë, duke u kurorëzuar kampion mes 51 ekipeve nga 21 shtete të ndryshme, të cilat përfaqësonin agjenci të sigurisë nga e gjithë bota, raporton Katror.info.
Sipas njoftimit të policisë, gjatë tri ditëve të garës, ekipi ynë zhvilloi 8 ndeshje – dhe i fitoi të gjitha, duke treguar forcë, disiplinë dhe lojë të jashtëzakonshme.
Këto janë rezultatet që çuan Policinë e Kosovës drejt titullit:
• Policia e Kosovës – APL 13 (Franca) 3:0
• Policia e Kosovës – Bologna (Itali) 1:0
• Policia e Kosovës – Bogota (Kolumbi) 3:1
• Policia e Kosovës – ACIT (Zvicër) 4:2
• Policia e Kosovës – IPA IAȘI (Rumani) 3:1
• Çerekfinale: Policia e Kosovës – Moldova 0:0 (penallti 7:6)
• Gjysmëfinale: Policia e Kosovës – APL 13 (Franca) 0:0 (penallti 10:9)
• Finalja: Policia e Kosovës – Rumania 3:0.
Fitorja e këtij turneu jo vetëm që forcon reputacionin ndërkombëtar të Policisë së Kosovës, por edhe dëshmon përkushtimin, shpirtin e ekipit dhe profesionalizmin që i karakterizon edhe jashtë fushës së detyrës./Katror.info
