Presidentja Vjosa Osmani ka pranuar Çmimin e Evropës, të ndarë nga Fondacioni Pan-Evropian Richard Coudenhove-Kalergi, në një ceremoni të veçantë të mbajtur në Austri.
Ky çmim prestigjioz, i akorduar muaj më parë, i dorëzohet Presidentes Osmani në një ceremoni të veçantë në Vjenë. Dy dekada më parë, këtë çmim e kishte pranuar edhe Presidenti historik Ibrahim Rugova, ndërsa në mesin e laureatëve të tjerë janë figura të njohura botërore si Presidenti Ronald Reagan dhe Kancelarja Angela Merkel.
Osmani tha se ky çmim është një nderim për të gjithë qytetarët e Republikës së Kosovës, teksa theksoi se dy dekada më parë i njëjti çmim iu nda presidentit historik të Kosovës, Ibrahim Rugova.
Mundesh me e lexu edhe...
“Sot, në zemër të Evropës, në Vjenë, pranova me respekt Çmimin e Evropës nga Fondacioni Pan-Evropian “Coudenhove-Kalergi”, në një ceremoni të veçantë organizuar nga PanEuropa. Dy dekada më parë, i njëjti çmim iu nda Presidentit historik të Kosovës, Dr. Ibrahim Rugova. Ky është një nderim për Repubikën e Kosovës dhe një dëshmi se rruga jonë evropiane, e ndërtuar mbi vizionin e Presidentit Rugova për paqe, demokraci dhe partneritet transatlantik, vazhdon me vendosmëri. Për Kosovën që beson, që qëndron dhe që ecën përpara”, ka shkruar ajo.
Ndarja e Çmimit për Presidenten e Kosovës, Vjosa Osmani, u transmetua drejtpërdrejt për publikun në platformën zyrtare të saj në Facebook.
Sipas Fondacionit paneuropian, ky çmim i ndahet Presidentes Osmani për “përkushtimin e saj të palëkundur ndaj raporteve me partnerët euroatlantikë, orientimin pro-evropian, forcimin e demokracisë dhe sundimin e ligjit në Kosovë”. /Katror.info
Përgatiti:
