Qendra Kinematografike e Kosovës (QKK) ka njoftuar për përfshirjen e filmit “Zbardhje” në Producers Network në kuadër të Marché du Film, që mbahet gjatë Festivalit të Filmit në Cannes 2025, një nga ngjarjet më prestigjioze të industrisë globale të filmit, shkruan Katror.info.
Në reagimin e saj, QKK e vlerëson këtë përzgjedhje si një hap të rëndësishëm drejt ndërkombëtarizimit të kinematografisë kosovare dhe një mundësi të çmuar për zhvillimin e mëtejshëm të këtij projekti artistik.
“Zbardhje”, me regji të Kaltrina Krasniqit dhe producent Ares Shporta, është projekt që po tërheq vëmendjen e institucioneve të rëndësishme të filmit në Evropë dhe më gjerë.
Mundesh me e lexu edhe…
Filmi ka marrë më herët vlerësime ndërkombëtare, përfshirë çmimin “Female Voice Award” nga European Women’s Audiovisual Network në TorinoFilmLab (TFL) — një laborator filmik ndërkombëtar me bazë në Torino, Itali, që mbështet zhvillimin e skenarëve dhe fuqizimin e zërave të rinj në industrinë kinematografike.
Me skenar të Doruntina Bashës, “Zbardhje” paraqet një tjetër dëshmi të bashkëpunimit të suksesshëm ndërmjet talenteve të reja kosovare në fushën e filmit, ndërsa pjesëmarrja në Cannes do t’i ofrojë projektit qasje në rrjete profesionale dhe mbështetje për realizimin e mëtejshëm./Katror.info
