Disa ndryshime të thjeshta në dietë mund të jenë çelësi për një natë të qetë. Nëse përballeni rregullisht me vështirësi në gjumë, rekomandohet të konsultoheni me mjekun tuaj, pasi këto probleme mund të jenë shenjë e një gjendjeje shëndetësore ose mungese të vitaminave. Për personat që nuk kanë alergji ndaj arrave, një zgjidhje natyrale për problemet me gjumin mund të jetë konsumimi i një sasie të vogël arrash para se të flini.
Studimet e fundit, përfshirë një studim të vitit 2022, kanë treguar se magnezi luan një rol të rëndësishëm në përmirësimin e cilësisë së gjumit. Arrat janë një burim i pasur i magnezit, por përmbajnë gjithashtu edhe substanca të tjera që ndihmojnë në promovimin e gjumit, si triptofani dhe melatonina. Për një efekt maksimal, rekomandohet të konsumoni një grusht arra rreth orës 21:00, duke marrë parasysh që shumica e njerëzve shkojnë për të fjetur rreth orës 22:00-23:00.
Një aminoacid që ndihmon në prodhimin e serotoninës, e cila më pas shndërrohet në melatoninën, hormon ky që kontrollon ciklin e gjumit. E pranishme në arrat, melatonina është thelbësore për menaxhimin e ciklit të zgjimit dhe gjumit. Magnezi ndihmon në relaksimin e muskujve dhe mund të nxisë një gjumë më të thellë. Acidet yndyrore Omega-3 me veti anti-inflamatore mund të rrisin prodhimin e melatoninës. Arrat janë të pasura me antioksidantë që përmirësojnë shëndetin e zorrëve dhe ulin rrezikun e sëmundjeve kronike.
Mundesh me e lexu edhe…
Ndërkaq, sasia e duhur e gjumit varet nga mosha, gjinia dhe gjithashtu pjesërisht nga ora individuale cirkadiane, por mund të varet edhe nga kultura, pra nga vendi i origjinës. Shkencëtarët në Universitetin e British Columbia në SHBA, e zbuluan këtë kur hetuan marrëdhënien midis kulturave dhe gjumit dhe midis gjumit më të shkurtër dhe shëndetit. Analiza, rezultatet e së cilës u botuan në revistën shkencore “Proceedings of the National Academy of Sciences” (PNAS)”, u krye në kohëzgjatjen e gjumit të pothuajse 5.000 njerëzve që jetonin në 20 vende (përfshirë Amerikën e Veriut, Evropën, Azinë, Afrikën dhe Amerikën e Jugut). /Katror.info
Përgatiti:
