Janë lansuar pamjet e para të filmit “London Calling”, projekt i zhanrit komedi dhe aksion, i cili vjen i realizuar nga regjisori Allan Ungar.
Ylli 52-vjeçar i kinematografisë, Josh Duhamel, ka rolin protagonist krahas aktorëve Jeremy Ray Taylor, Rick Hoffman, Aidan Gille, Arnold Vosloo dhe Neil Sandilands.
Filmi përzien aksionin e ashpër me humor të mprehtë, duke premtuar një udhëtim plot kthesa që kombinon dramën e botës së krimit me momente të papritura emocionale. Në qendër të rrëfimit është kryepersonazhi Tommy Ward, një vrasës me pagesë, karriera e të cilit ka marrë një kthesë të papritur.
Mundesh me e lexu edhe…
Pas një pune të dështuar në Mbretërinë e Bashkuar ai ikën në një qytet të ri, vetëm për të gjetur një punë që është më shumë e sikletshme sesa vdekjeprurëse. Shefi i tij i ri i krimit e detyron të mbikëqyrë djalin e tij adoleshent rebel, Julian, dhe ta shndërrojë atë në një “burrë”.
Ose të paktën një vrasës që di t’i ndjekë rregullat. Kështu, Tommy përfundon i ngatërruar midis dy botëve: botës së rrezikshme të vrasësve me pagesë dhe botës kaotike dhe hormonale të mentorimit të një adoleshenti, shkruan Koha.net.
“London Calling” lansohet për publikun e gjerë nga 19 shtatori i këtij viti./Katror.info.
