Presidentja e Republikës së Kosovës, Vjosa Osmani, ka qëndruar të hënën në Prizren ku ka vizituar fabrikën “Koshi Group”, një ndërmarrje vendore që ka arritur të prodhojë jo vetëm vetura elitare sportive, por edhe anije dhe jahte moderne.
Përmes një postimi në rrjetet sociale, presidentja Osmani ka vlerësuar këtë sukses si një shembull frymëzues të inovacionit dhe mjeshtërisë kosovare.
“A e keni ditur se në Kosovë prodhohen edhe anije? Made in Kosova, gati për botën!
Një sukses i jashtëzakonshëm e inspirues nga Koshi Group në Prizren, një simbol i vërtetë i inovacionit dhe mjeshtërisë, krenarisht i bërë në Kosovë”, ka shkruar ajo.
Mundesh me e lexu edhe…
Sipas Osmanit, puna e kompanisë përfshin industri të ndryshme dhe ka shtrirje ndërkombëtare, nga automobilizmi sportiv deri te prodhimi i anijeve për tregun global.
“Kur talenti kosovar bashkohet me punën e palodhshme dhe inovacionin, nuk ka kufi për atë që mund të arrihet”, theksoi Presidentja./Katror.info
Përgatiti:
