Banka Qendrore e Republikës së Kosovës (BQK) ka miratuar Raportin Vjetor për vitin 2024. Guvernatori i Bankës Qendrore të Republikës së Kosovës (BQK), Ahmet Ismaili, pas miratimit të këtij raporti ka thënë se BQK ka pasur një performancë të mirë dhe qëndrueshmëri financiare.
Ai ka thënë se BQK ka kontribuar me afër 35 milionë euro në buxhetin e shtetit për 2 vite të njëpasnjëshme (24.5 milionë euro në vitin 2024 dhe 10.37 milionë euro në vitin 2023).
Ismaili tha se raporti konstaton se sektori financiar ka vazhduar të jetë i qëndrueshëm, brenda parametrave të caktuar të shëndetit financiar, me një performance të mirë, që konfirmojnë stabilitetin financiar dhe zgjerimin e qasjes në financa të sigurt, duke përfshirë trefishim të prezencës së institucioneve financiare të licencuara në veriun e vendit, shkruan RTK.
Mundesh me e lexu edhe…
Ai tha se raporti evidenton forcimin e marrëdhënieve me banka qendrore partnere, pjesëmarrjen në forume ndërkombëtare dhe avancimin e kapaciteteve përmes shkëmbimit të përvojave./Katror.info
