Zëri i pavdekshëm i muzikës shqiptare, Nexhmije Pagarusha, do të nderohet këtë verë me një mbrëmje të veçantë koncertale në kuadër të Festivalit Ndërkombëtar të Operës “Rame Lahaj International Opera Festival” (RLIOF), shkruan Katror.info.
Kjo ngjarje, tashmë e kthyer në një traditë brenda festivalit, i kushtohet ikonës së muzikës shqiptare, duke e sjellë trashëgiminë e saj artistike në skenat bashkëkohore.
Këtë vit, koncerti-homazh do të shtrihet për herë të parë edhe jashtë kryeqytetit, duke udhëtuar në Pejë dhe Mitrovicë, në përpjekje për ta bërë artin dhe kulturën të qasshme për të gjithë qytetarët, pavarësisht vendbanimit të tyre.
Mundesh me e lexu edhe…
Në nder të Pagarushës, në skenë do të ngjiten emra të njohur të muzikës si Edona Reshitaj, A R B Ë R E S H Ë, Adhurim Grezda dhe Gala El Hadidi, të shoqëruar nga formacioni muzikor Gent Rushi Group.
Koncertet do të mbahen në tri qytete:
- 23 korrik – Prishtinë
- 24 korrik – Pejë
- 25 korrik – Mitrovicë
Hyrja për të gjitha mbrëmjet muzikore do të jetë pa pagesë, duke e bërë këtë homazh një ftesë të hapur për publikun që dëshiron të kujtojë dhe përjetojë njëherësh magjinë e zërit të Nexhmije Pagarushës./Katror.info
