Dy shi meteorësh do të jenë të dukshëm në qiellin e korrikut dhe do të arrijnë kulmin në të njëjtën mbrëmje – një rast i rrallë i përputhjes së përsosur.
Më të dukshme në Hemisferën Jugore, por gjithashtu të dukshme edhe në pjesën jugore të Hemisferës Veriore, do të ndriçojnë natën mes 30 dhe 31 korrikut me një total të kombinuar prej rreth 30 yje që bien në orë, shkruan Good News Network, përcjell Katror.info.
Lajmi më i mirë? Ngjarja do të ndodhë gjatë fazës së hënës në rritje, që do të thotë se drita e saj nuk do të pengojë pamjen. Hëna do të perëndojë në mbrëmje, duke lënë një qiell të errët të përsosur për vëzhgim.
Mundesh me e lexu edhe…
Për t’i dalluar më lehtë, kërkoni për yjësitë që u kanë dhënë emrat këtyre fenomeneve. Valerie nga Space Tourism Guide rekomandon që fillimisht të gjeni Bricjapin, pasi është më i lehtë për t’u identifikuar në pjesën juglindore të qiellit.
Një këshillë e rëndësishme për ata që duan ta shohin këtë fenomen të rrallë është që sa më në veri të ndodheni, aq më afër horizontit do të jenë meteorët.
Kështu që nevojitet një pamje e qartë drejt horizontit – pa pemë, kodra apo ndërtesa që e pengojnë.
Ndërsa sa më në jug të udhëtoni, aq më lart në qiell do të ndodhen këto spektakle qiellore./Katror.info
