Burime të afërta me këngëtaren e njohur botërisht, Lady Gaga, kanë zbuluar për Variety se ajo është në përgatitje të një kënge të re të titulluar “Dead Dance”.
Kjo këngë do të jetë pjesë e sezonit të dytë të serialit të suksesshëm Wednesday, nën regjinë e Tim Burton, që transmetohet në platformën Netflix. Publikimi i saj, së bashku me videoklipin, pritet të bëhet muajin e ardhshëm.
Gjatë muajit të kaluar, disa media ndërkombëtare raportuan për takime mes Gaga-s dhe Burton-it në Mexico City, ndërsa këngëtarja është aktualisht në turneun e saj “Mayhem Ball”.
Mundesh me e lexu edhe…
“Dead Dance” është incizuar me të njëjtin ekip producentësh që punoi në albumin “Mayhem”, duke premtuar vazhdimësi në stilin dhe energjinë muzikore të Gagas.
Në premierën e sezonit të ri të Wednesday në Londër, Tim Burton vlerësoi bashkëpunimin me këngëtaren, duke e cilësuar atë si “inspiruese”. Për shkak të angazhimeve në turne, Gaga nuk ishte e pranishme në event, por u bashkua virtualisht me kastin, përfshirë aktoren kryesore Jenna Ortega, si dhe Catherine Zeta-Jones, Steve Buscemi dhe Joanna Lumley.
Në një prononcim për Variety, Burton ka lënë të kuptohet se bashkëpunimet me Gaga-n mund të vazhdojnë, duke përmendur një tjetër projekt të përbashkët të realizuar gjatë festivalit të filmit Giffoni në Itali. Megjithatë, ai nuk dha detaje konkrete, duke shtuar: “Nuk mund të them më shumë… por shpresoj që po.”/Katror.info
