Këto bimë rezistente do ta mbajnë oborrin ose ballkonin tuaj të lulëzuar deri në fund të dimrit. Nuk kërkojnë kujdes të veçantë, por lulëzojnë kur gjithçka tjetër thahet. Mbillini në gusht dhe kënaquni me pamjen .
Shumëkush e mendon gushtin si fundin e sezonit të kopshtarisë, por në fakt është koha ideale për të mbjellë lule që do t’ju dhurojnë ngjyra të gjalla edhe në ditët e ftohta të dimrit. Toka është ende e ngrohtë, farat dhe fidanët kanë kohë të rrënjosen mirë, ndërsa bima fiton forcë për të përballuar temperaturat e ulëta. Kjo është një strategji e zgjuar për çdo dashamirës të gjelbërimit.
Ja disa nga lulet të cilat sfidojnë të ftohtin:
Mundesh me e lexu edhe…
Viola – Janë bimë që rriten afër tokës, lulëzojnë gjatë dhe vijnë në shumë ngjyra. Por ngjyra që pëlqehet më së shumti padyshim se është e purpurt e errët.
Lulebore– Mbillen në vjeshtë, lulet e borës do të çelin në fund të dimrit.
Jasemini dimëror– Edhe pse jasemini dimëror nuk ka aromën tipike të një jasemini që çel në pranverë ose verë, vetë lulja e ndritshme e kompenson më shumë se mjaftueshëm këtë mungesë.
Kamelia– Me katër deri në gjashtë orë dritë dielli, kamelia mund të lulëzojë gjatë gjithë dimrit.
Që këto bimë të lulëzojnë sic duhet ka disa hapa që duhet ndjekur për një mbjellje të suksesshme :
▪ Zgjidhni një vend me diell, por të mbrojtur nga erërat e forta.
▪ Pasuroni tokën me komposto ose pleh organik për të forcuar rrënjët.
▪ Ujitni në mëngjes dhe me masë, mos i lini rrënjët në ujë.
▪ Mbulojeni tokën me shtresë ‘mulch’-i për të ruajtur nxehtësinë dhe lagështinë.
▪ Hiqni rregullisht gjethet e thara për të nxitur lulëzimin e vazhdueshëm.
Ndiqni këta hapa që kopshti juaj të mbetet i gjallë dhe me plot ngjyra edhe kur temperaturat janë shumë të ulta. /Katror.info
Përgatiti:
