Një studim i fundit nga studiuesit në Universitetin e Amsterdamit në Holandë vendosi chatbot-et e bazuara në inteligjencën artificiale në një rrjet social të thjeshtë. Studiuesit zbuluan se robotët u organizuan bazuar në përkatësitë e parapërgatitura dhe u grupuan në mënyrë të mbyllur në grupe të ndara. Studimi, i publikuar në arXiv, përdori 500 chatbot-e AI të bazuara në modelin e madh gjuhësor GPT-4o mini nga OpenAI dhe u dha atyre personazhe specifike.
Më pas, ata u lëshuan në një rrjet social pa reklama, algoritme për zbulimin e përmbajtjes ose postime të rekomanduara. Chatbot-et duhej të komunikonin me njëri-tjetrin dhe me përmbajtjen në dispozicion në platformë. Gjatë pesë eksperimenteve të ndryshme, secili me 10 mijë veprime të chatbot-eve, robotët zakonisht ndiqnin përdoruesit që ndanin bindjet e tyre politike. Përdoruesit që postonin përmbajtje më të njëanshme zakonisht merrnin më shumë ndjekës dhe ripostime, përcjell TAR.
Për të reduktuar polarizimin, studiuesit testuan disa zgjidhje, si feed-i kronologjik, ulja e rëndësisë së përmbajtjeve virale, fshehja e numrit të ndjekësve dhe ripostimeve, fshehja e profileve të përdoruesve dhe përforcimi i qëndrimeve kundërshtuese. Asnjë ndërhyrje nuk dha rezultat, në simulimin ku biografitë e përdoruesve ishin të fshehura, ndarja u përkeqësua, dhe postimet ekstreme morën edhe më shumë vëmendje.
Mundesh me e lexu edhe...
Inxhinierët kanë zhvilluar një sistem robotik që synon të ndihmojë njerëzit me aftësi të kufizuara në lëvizje të cilët kanë vështirësi në kryerjen e detyrave rutinë, të tilla si prerja dhe grirja e perimeve. Sistemi ka një krah të pajisur me një kapëse adaptive që mund të trajtojë objekte të të gjitha madhësive dhe teksturave me saktësi dhe kujdes. Teknologjia është ideale për trajtimin e produkteve të brishta, produkteve të pjekura ose artikujve të tjerë të ndjeshëm ushqimorë. “Filozofia jonë është që nëse do t’i ofroni dikujt një robot që mund ta ndihmojë, ai duhet të ketë një lidhje me mënyrën se si një person kryen të njëjtën detyrë”-tha Dylan Losey, profesor i asociuar i inxhinierisë mekanike. /Katror.info
Përgatiti:
