Glacier Express i Zvicrës njihet si treni ekspres më i ngadaltë në botë, duke i marrë mbi 8 orë për të udhëtuar 290 kilometra (181 milje) përmes Alpeve Zvicerane. Glacier Express që lidh vendpushimet alpine të Zermatt dhe St. Moritz nuk është aspak si treni ekspres me shpejtësi të lartë që përshkon Evropën. Duke lëvizur me një shpejtësi mesatare prej 36 km në orë, ai i përgjigjet reputacionit të tij si “treni ekspres më i ngadaltë në botë”, por kjo shpejtësi qesharake është e projektuar. Të marrësh Glacier Express nuk ka të bëjë me arsyen që të shkosh nga pika A në pikën B sa më shpejt të jetë e mundur; është një udhëtim piktoresk nëpër zemrën e Alpeve Zvicerane që u lejon udhëtarëve të shijojnë të gjitha mrekullitë natyrore që ofron ky rajon i bukur.
Vetë treni ka dritare të mëdha panoramike të projektuara për të ofruar pamje të pakufizuara të peizazhit marramendës, duke u lejuar pasagjerëve ‘të zhyten’ plotësisht në bukurinë e Alpeve Zvicerane.
Por, teksa ritmi i ngadaltë i Glacier Express është i lidhur me bukurinë piktoreske të Alpeve Zvicerane, peizazhi nuk e tregon të gjithë historinë. Rruga malore mahnitëse përshkon disa nga terrenet më të vështira në kontinentin evropian, duke shfaqur shpate të pjerrëta dhe kthesa të mprehta dhe kërkon një shpejtësi më të ngadaltë operative për të siguruar sigurinë dhe rehatinë e pasagjerëve.
Mundesh me e lexu edhe…
Gjatë udhëtimit të tij 8-orësh, treni ekspres më i ngadaltë në botë kalon nëpër tunele të shumta spirale dhe mbi viadukte të larta, një total prej 291 urash dhe 91 tunelesh dhe ngjitet deri në 6670 metra mbi nivelin e detit. Gjithashtu, vlen të përmendet fakti që Glacier Express udhëton në shina me trase të ngushtë që nuk janë të përshtatshme për shpejtësi të larta.
Nëse të ulesh në një tren për tetë orë tingëllon e lodhshme, do të jeni të lumtur të dëgjoni se ky tren ekspres i veçantë është jashtëzakonisht i rehatshëm, me vagona të Klasit të Parë dhe të Klasit të Dytë që ofrojnë ulëse të bollshme dhe të rehatshme. Por nëse po kërkoni përvojën më të mirë, mund të dëshironi të merrni në konsideratë Klasin e Ekselencës më të shtrenjtë, ku pasagjerët marrin shërbim me pesë yje, duke përfshirë një vakt me shtatë pjata me verëra të shoqëruara.
Është interesante që Alpet Zvicerane janë gjithashtu shtëpia e stacionit më të lartë të trenit në botë, Jungfraujoch./TAR/Katror.info
