Në këtë pjesë, ish-basketbollisti dhe gazetari sportiv Blerim Vuniqi rrëfen se si pasioni për lojën nisi si hobi, u shndërrua në profesion dhe më pas në stil jete.
“Kam nisur kur nuk ka pasur as trepikësh, as semaforë, as kosh me faul. Kam luajtur në ligat e një shteti që sot nuk ekziston dhe në ligat e një shteti që po e themelonim vetë, pa e ditur se kur ajo ëndërr do të bëhej realitet. Kam luajtur në beton, në sallat e sporteve e palestrat e shkollave fillore. Kam transmetuar Ligën e Kosovës nga sallat e ftohta me telefon statik për radio. Kam transmetuar NBA-n dhe Lojërat Olimpike,” – kujton Vuniqi.
Në këtë episod, Edmond Azemi ndalet te epoka e Arben Krasniqit, duke e cilësuar atë si trajnerin më të suksesshëm në historinë e basketbollit të Kosovës.
Mundesh me e lexu edhe…
“Arbeni është pa dyshim trajneri më i suksesshëm në historinë e basketbollit të Kosovës. Klubi kishte një politikë shumë të mirë në atë kohë: përgatitjet nisnin herët, shpesh që në fillim të gushtit, e ndonjëherë edhe më herët, dhe vazhdonin gjatë gjithë kampionatit.
Pas gjysmës së sezonit, zakonisht nga fundi i janarit ose mesi i shkurtit, klubi sillte vetëm dy lojtarë të huaj – gjithmonë në pozitat që na nevojiteshin. Kjo politikë ishte mjaft pozitive, sepse u jepte hapësirë dhe besim lojtarëve vendorë.
Sa për marrëdhënien time me Arbenin, ajo ka qenë gjithmonë e shkëlqyer. Unë e kam besuar atë, ai më ka besuar mua. Ishim si të them “krahu i djathtë” i njëri-tjetrit, dhe për më tepër unë isha edhe kapiteni i ekipit”, thotë Azemi.
Dokumentari “4 Çerekët”, i autorit dhe producentit Leart Hoxha, me intervista të realizuara nga Blerim Vuniqi, është prodhim i Katror Media dhe mbështetet nga Ministria e Kulturës, Rinisë dhe Sportit.
Episodin e katërt mund ta ndiqni këtu:
