Një delegacion i Komisionit të Pavarur të Mediave (KPM), i udhëhequr nga Kryetari Besnik Berisha, së bashku me znj. Sebahate Hajredinaj dhe znj. Gentiana Hoti, mori pjesë më 16–17 shtator 2025 në konferencën ndërkombëtare “Public Service Media in the Age of Platforms” në Bruksel, shkruan Katror.info.
Konferenca përmbylli një projekt trevjeçar kërkimor mbi transformimin e mediave të shërbimit publik në epokën digjitale dhe mblodhi përfaqësues të institucioneve rregullatore, politikëbërës, studiues dhe profesionistë të medias nga e gjithë Evropa.
Gjatë diskutimeve u trajtuan tema kryesore si:
Mundesh me e lexu edhe…
- Roli i rregullatorëve dhe politikëbërësve në krijimin e një mjedisi të qëndrueshëm dhe gjithëpërfshirës mediatik;
- Sfida të regjimeve të reja të prominencës në kontekstin e zhvillimeve teknologjike;
- Strategjitë e reja të organizimit dhe funksionimit të mediave të shërbimit publik në epokën digjitale.
Pjesëmarrja e KPM-së nënvizon përkushtimin e institucionit për të ndjekur zhvillimet më të fundit në rregullimin mediatik dhe për të promovuar qasje të bazuara në evidencë në një ekosistem gjithnjë e më kompleks të ofrimit të shërbimeve mediatike./Katror.info.
