Këngëtarja e njohur Rita Ora ka sjellë projektin e saj më të ri, “All Natural”, të cilin e cilëson si një nga këngët më personale të karrierës. Kënga, e prodhuar nga fituesi i Grammy-t Joel Little, sjell një tingull më të papërpunuar dhe të ndjeshëm, duke reflektuar udhëtimin e artistes drejt pranimit të vetes, shërimit dhe rritjes personale.
“All Natural është për të mësuar të pranosh çdo anë të vetes: të fortën dhe të brishtën, dritën dhe hijet. Është një këngë për shërim dhe vetë-zbulim,” ka thënë Ora për “The Sun”, duke shtuar se shpreson që publiku të lidhet me të në udhëtimin e tyre personal.
Videoklipi i këngës është realizuar nga bashkëshorti i saj, regjisori i njohur Taika Waititi, ku Rita shfaqet me një estetikë minimaliste e natyrale. Krahas kësaj, këngëtarja ka paralajmëruar edhe një mini-seri në Instagram, ku do të rrëfejë kujtime nga fëmijëria e saj në West London dhe rrugëtimin drejt famës botërore.
Mundesh me e lexu edhe…
Edhe pse është angazhuar në aktrim me projekte si Disney’s Descendants: The Rise of Red dhe Tin Soldier, Rita thekson se muzika mbetet thelbi i saj. “Muzika më mban gjallë. Është pjesë e imja, rrjedh në gjakun tim,” është shprehur ajo në një intervistë të fundit/Kultplus/Katror.info.
