Presidentja e Republikës së Kosovës, Vjosa Osmani, ka zhvilluar një takim me Kryeministrin e Bangladeshit, Muhammad Yunus, ku u diskutua për forcimin e marrëdhënieve bilaterale dhe përpjekjet e përbashkëta në skenën ndërkombëtare.
Osmani theksoi se Kosova mbetet e përkushtuar në avancimin e bashkëpunimit ndërshtetëror, duke nënvizuar rëndësinë e lidhjeve të ngushta mes dy vendeve. Ajo shprehu gjithashtu mirënjohjen e thellë për mbështetjen e palëkundur të Bangladeshit ndaj Kosovës.
Ky takim u vlerësua si një hap i rëndësishëm në konsolidimin e partneritetit mes dy shteteve dhe në fuqizimin e bashkëpunimit në fushat me interes të ndërsjellë./Katror.info.
