Polonia ofron një rrjet hekurudhor modern, dhe të lirë për të zbuluar qytetet e saj plot histori e kulturë.
Kur mendohet për udhëtime të mëdha hekurudhore në Evropë, Polonia shpesh nuk është ndër vendet e para që vijnë në mendje. Megjithatë, ndoshta duhet të jetë.
Me mbi 17 mijë kilometrash hekurudhë, shumica e ndërtuara në fund të viteve 1800 dhe fillim të viteve 1900 nga Deutsche Reichsbahn gjermane dhe Hekurudhat Perandorake Ruse, vendi ofron një rrjet të gjerë që lidh qytetet kryesore historike.
Mundesh me e lexu edhe...
Nuk ka ende linja trenash me shpejtësi të lartë, por sistemi është i gjerë, modern dhe efikas. Për më tepër, është i lirë: një udhëtim dy orë e gjysmë nga Varshava në Krakov kushton rreth 16 euro , ndërsa Interrail Poland Pass, që ofron udhëtime të pakufizuara për tre ditë, nis nga rreth 65 euro, raportoi Telgraph.
Cieran Brown dhe partnerja e tij vendosën të testonin në praktikë këtë rrjet hekurudhor, duke nisur udhëtimin jo nga kryeqyteti, por nga Krakov, për të ndërtuar një itinerar më interesant drejt Poznanit dhe më pas në Wroclaw.
Në Krakow, ata shëtitën në lagjen Kazimierz me sinagogat dhe kafenetë e saj, vizituan muzeun nëntokësor Rynek dhe përfunduan ditën me një darkë tradicionale polake e muzikë xhaz në një klub të vjetër të qytetit.
Udhëtimi i parë me tren i çoi në Poznan, qyteti i pestë më i madh në Poloni, i njohur si vendi ku nisi shteti polak dhe ku u ndërtua katedralja më e hershme e vendit. Një nga ndalesat më mbresëlënëse ishte Muzeu i Enigmës, që përkujton shkencëtarët polakë që ndihmuan në deshifrimin e makinës gjermane gjatë Luftës së Dytë Botërore.
Në sheshin e tregut të vjetër, fasadat shumëngjyrëshe dhe ora me “dy dhitë” që përplasen çdo ditë u dhanë sharmin karakteristik të qytetit.
Nga Poznani, udhëtimi vijoi drejt Wroclaw-it me një tren modern Express Intercity, që arrin deri në 200 km/h. Ky qytet i ndërtuar mbi lumenj dhe ishuj është një nga më romantikët në Poloni. Në Ostrow Tumski, ende ndizet çdo mbrëmje drita e 102 llambave me gaz– një traditë e rrallë që i shton magji qytetit.
Në restorantin Konspira, historia e rezistencës kundër komunizmit vjen e gjallë përmes ushqimeve tradicionale të periudhës socialiste, ndërsa kafenetë si Herbaciarnia Targowa dhe Odra Cafe ofrojnë një ndalesë të ngrohtë buzë lumit Oder. /AP/Katror.info
