Artpolis po e themelon Stacionin Kulturor në zemër të Prishtinës – një hapësirë fizike që sipas organizatës do të ofrojë kushte për krijime artistike, reflektim dhe bashkëkrijim me komunitetin. Lajmi u bë i ditur nga Artpolis përmes një njoftimi në Facebook.
Artpolis thotë se kjo nismë vjen pas “më shumë se dy dekadave pune dhe përkushtimi.”
Hapësira sipas organizatës është dizajnuar nga Maden Group dhe përmban një skenë, galeri, zyra dhe një bar.
Mundesh me e lexu edhe…
“Një objekt i braktisur dhe i harruar, përmes dizajnit dhe revitalizimit të qëndrueshëm, po kthehet në funksion dhe po shndërrohet në një pikëtakim të artistëve dhe komunitetit – një shtëpi e re për artin dhe shoqërinë”.
“Dje patëm kënaqësinë që, së bashku me Drejtoreshën e Artpolis, Zana Hoxha, menaxheren e programeve Venera Ismaili, si dhe arkitektët Ideal Vejsa, arkitekt dhe drejtor ekzekutiv i Maden Group, dhe Riona Cuci, dizajnere enterieri, ta mirëpresim Kryetarin e Prishtinës z. Përparim Rama dhe Drejtorinë e Kulturës të udhëhequr nga znj. Sibel Halimi, të cilët kanë përkrahur inicimin e kësaj qendre për Arbërinë dhe për gjithë qytetin”, thuhet në njoftim./Katror.info
