“Biblioteka mes traditës dhe inovacionit”, do të jetë tema e cila do të përcjellë edicionin e 22-të të Javës së Bibliotekës për këtë vit që do të nisë të hënën e 6 tetorit për të vazhduar deri më 12 tetor.
Java e Bibliotekës që njihet si festa e librit dhe kulturës, bëhet e ditur se këtë vit do të kremtohet me një koncept të ri, duke ndërkombëtarizuar programin me pjesëmarrjen e përfaqësuesve nga bibliotekat kombëtare të Shqipërisë, Maqedonisë së Veriut, Bullgarisë, Turqisë e Austrisë.
Gjithashtu bëhet e ditur se përgjatë ditëve sa do të zgjasë Java e Bibliotekës, do të ketë sesione shkencore nga studiues të njohur, panele diskutimi mbi çështje relevante me profesionistë të fushës, aktivitete kulturore e edukative për promovimin e leximit dhe vetëdijesimin mbi rolin e bibliotekave te të rinjtë, ekspozita, punëtori dhe vizita në shërbimet që ofron Biblioteka Kombëtare, shkruan RTKlive.
Mundesh me e lexu edhe...
Gjithashtu Biblioteka Kombëtare “Pjetër Bogdani”, ka bërë të ditur se përgjatë këtyre ditëve do të ketë edhe shfaqje filmash në bashkëpunim me Qendrën Kinematografike të Kosovës./Katror.info
