Drejtoresha e Kulturës në Prishtinë, Sibel Halimi ka bërë të ditur se kanë nisur përgatitjet për edicionin e parë të festivalit të këndimit koral “Echoes of Ocarina”, një iniciativë e Elikona Hysaj Shala, në bashkëpunim me Drejtorinë e Kulturës dhe Drejtorinë e Arsimit në Prishtinë.
Ky festival i ri u dedikohet nxënësve të shkollave të Komunës së Prishtinës, me qëllim të promovimit të muzikës korale në shkolla dhe krijimit të një platforme vjetore për zhvillimin e talenteve muzikore dhe skenike, thuhet në njoftimin e Drejtoreshës së Kulturës, Sibel Halimi.
Përmes Korit të Fëmijëve “Ocarina”, fëmijëve u ofrohet hapësirë për të shprehur vetveten dhe për t’u angazhuar në aktivitete artistike që nxisin kreativitetin dhe bashkëpunimin.
Mundesh me e lexu edhe…
Në njoftim është theksuar edhe mirënjohja për angazhimin profesional të Elikona Hysaj Shala dhe kontributin e saj në fuqizimin e artit muzikor në institucionet arsimore të kryeqytetit. /Katror.info
