Komisioni Qendror i Zgjedhjeve ka bërë të ditur se do të vendosë kamera regjistruese në çdo vendvotim në vend në zgjedhjet komunale të 12 tetorit.
Kështu ka bërë të ditur zëdhënësi i KQZ-së, Valmir Elezi, për RTK-në, duke shtuar se kamerat do të përdoren jo vetëm në vendvotime, por edhe në të gjitha hapësirat ku zhvillohet procesi i numërimit të votave, siç janë: Qendrat Komunale të Numërimit dhe Qendra e Numërimit dhe Rezultateve.
Tutje Elezi tha se vendosja e kamerave regjistruese brenda vendvotimit bëhet me qëllim të garantimit të sigurisë së materialeve zgjedhore dhe ruajtjes së integritetit zgjedhor të procesit të votimit dhe numërimit të fletëvotimeve në vendvotim.
Mundesh me e lexu edhe…
Ndryshe KQZ vazhdon fushatën edhe me video, për ti udhëzuar votuesit se si të plotësohn fletëvotimet për Kryetar Komune dhe Kuvend Komunal në Zgjedhjet Lokale që do të mbahen më 12 tetor 2025.
Të dielën e 12 tetorit, qytetarët e Kosovës me të drejtë vote do t’i drejtohen kutive të votimit për të zgjedhur drejtuesit nëpër komunat ku jetojnë. Sipas të dhënave nga Lista Votuese e KQZ-së, janë mbi 2 milionë votues me të drejtë vote, derisa numri i qytetarëve që janë regjistruar për të votuar me postë nga jashtë Kosovës është 43,993, për çka KQZ-ja prej ditësh ka nisur 44 mijë pako me fletëvotime për votuesit e regjistruar në disa shtete./RTK/Katror.info
