Kryeministri i Shqipërisë Edi Rama tha sot gjatë një takimi me shqiptarë që jetojnë e punojnë në Athinë, se po punohet me Greqinë për integrimin ndërkufitar të Parkut të Vjosës.
“Një tjetër faqe e bukur bashkëpunimi dhe afrimi, e kemi hapur me propozimin tonë dhe dakordësinë, me thënë të drejtën të menjëhershme të qeverisë greke, për ta integruar, duke bërë një integrim ndërkufitar, parkun kombëtar të Vjosë, i cili në vitet e ardhshme do të jetë një motor gjithnjë dhe më i fuqishëm i industrisë sonë të re të turizmit”, deklaroi Rama, gjatë një takimi me shqiptarët që jetojnë e punojnë në Athinë.
Por, theksoi ai, duke u kthyer në një park europian të integruar ku s’ka kufi, por triumfon natyra që na bashkon qysh se kemi ardhur në këtë botë.
Mundesh me e lexu edhe…
“Do të jetë një shembull magnetik qoftë për çfarë mund të bëjmë së bashku, Shqipëria dhe Greqia me njëra-tjetrën, për njëra-tjetrën dhe për Europën tonë, qoftë për turistët dhe vizitorët nga e gjithë bota”, deklaroi Rama./Atsh
Përgatiti:
