Filmi artistik “HANA”, me regji të Ujkan Hysajt dhe skenar të Fadil Hysajt, do të ketë premierën botërore në edicionin e 56-të të Festivalit Ndërkombëtar të Filmit në Goa (Indi) — një nga festivalet më prestigjioze të në botë.
Filmi është përzgjedhur në garën zyrtare për “ICFT–UNESCO Gandhi Medal Award”, një çmim që nderon filmat që pasqyrojnë idealet e UNESCO-s si toleranca, dialogu ndërkulturor dhe paqja, ka njoftuar vetë Hysaj në një postim në Facebook.
“HANA” sjell tregimin e Sara-s, një aktoreje që bashkohet me një program të art-terapisë në një qendër rehabilitimi për gratë në Kosovë, me synimin për të ndihmuar të mbijetuarat e dhunës seksuale të shndërrojnë dhimbjen në art. Por gjatë këtij procesi, ajo përballet edhe me plagët e veta të pashëruara dhe me identitetin e saj të dytë, Hana.
Mundesh me e lexu edhe…
Në rolet kryesore interpretojnë Sheqerie Buçaj, Ilire Vinca, Refet Abazi dhe Ermin Bravo, ndërsa filmi trajton me ndjeshmëri plagët e luftës dhe fuqinë e artit për të sjellë shërim dhe reflektim shoqëror.
Produksioni është mbështetur nga Qendra Kinematografike e Kosovës, si dhe nga disa institucione lokale e organizata partnere.
Përmes “HANA-s”, kinematografia kosovare shënon një tjetër arritje të rëndësishme në skenën ndërkombëtare, duke e vendosur në qendër zërin e grave dhe fuqinë e artit për të ndërtuar paqe./Katror.info
Përgatiti:
