“Parasocial” është shpallur fjala e vitit nga Cambridge Dictionary, e përkufizuar si një marrëdhënie që dikush ndien me një person të famshëm, të cilin në fakt nuk e njeh.
Shembujt që jepen përfshijnë interesin parasocial të shfaqur nga fansat kur këngëtarja Taylor Swift dhe sportisti amerikan Travis Kelce njoftuan fejesën e tyre, shkruan BBC, përcjell Katror.info.
Ky term daton që nga viti 1956, kur sociologë amerikanë vunë re se shikuesit e televizionit krijonin marrëdhënie “para-sociale” me personazhet në ekran.
Mundesh me e lexu edhe...
Kryeredaktori Colin McIntosh tha se së fundmi fjala është përdorur për të përshkruar “një lloj marrëdhënieje mes një personi dhe një jo-personi, për shembull një të famshmi”.
“Ajo u krijua fillimisht si një term akademik dhe për një kohë të gjatë mbeti vetëm brenda botës akademike,” shtoi ai.
“Vetëm kohëve të fundit ka kaluar në gjuhën e përditshme dhe është një nga ato fjalë që janë ndikuar ndjeshëm nga rrjetet sociale.”
Shembuj të tjerë të dhënë nga fjalori përfshijnë albumin e ndarjes së Lily Allen, West End Girl, i cili u mbështet në interesin parasocial për jetën e saj romantike, si dhe shfaqjen e marrëdhënieve parasociale me botët e inteligjencës artificiale, ku njerëzit i trajtojnë ato si besnikë, miq apo partnerë romantikë.
Thuhet gjithashtu se natyra rrëfimtare e moderatorëve të podkasteve po zëvendëson miqtë e vërtetë dhe po nxit marrëdhënie parasociale.
Fjalori regjistroi një rritje të kërkimeve për këtë fjalë pasi ylli i YouTube, IShowSpeed, bllokoi një fanse obsesive duke e quajtur atë ndjekësja e tij më e fiksuar parasociale.
Termi u krijua për herë të parë nga sociologët e Universitetit të Çikagos, Donald Horton dhe Richard Wohl, të cilët vunë re se shikuesit e televizionit krijonin marrëdhënie “para-sociale” me fytyrat në ekran, ngjashëm me marrëdhëniet që kishin me familjarët dhe miqtë “e vërtetë”.
Ata vërejtën se si televizioni, i cili po zgjerohej shpejt, sillte fytyrat e aktorëve drejtpërdrejt në shtëpitë e shikuesve, duke i bërë pjesë të përditshme të jetës së tyre.
Redaktorja e lartë Jessica Rundell tha: “Ne nuk jemi këtu të gjykojmë nëse një fjalë është e mirë apo e keqe, apo nëse është e vlefshme – rëndësi ka nëse i reziston kohës dhe nëse njerëzit e përdorin gjerësisht.”
Fjalë të tjera të reja të futura në Cambridge Dictionary janë skibidi, delulu dhe tradwife./Katror.info
Burimi: BBC
Përktheu: Katror.info
Përgatiti:
